काठमाडौं । सानिमा म्युचुअल फण्डअन्तर्गत सञ्चालित सानिमा ग्रोथ फण्डले माघ मसान्तसम्मको खुद सम्पत्ति मूल्य विवरण सार्वजनिक गरेको छ ।

विवरणअनुसार फण्ड माघ मसान्तसम्म रू. ५ करोड ३३ लाख नोक्सानीमा रहेको छ । पुस मसान्तसम्म पनि फण्ड रू. ४ लाख ४६ हजार नोक्सानीमा थियो । यस आधारमा फण्डको नोक्सानी बढेको छ । माघ महीनामा फण्डको खर्चमा वृद्धि हुँदा नोक्सानी बढेको हो ।

पुस मसान्तसम्म फण्डको जम्मा खर्च रू. ७२ लाख १२ हजार रहेकोमा माघ मसान्तसम्म बढेर रू. ७४ लाख ७२ हजार पुगेको छ । त्यस्तै फण्डको आम्दानीमा भने बढेको छ । पुस मसान्तसम्म फण्डको जम्मा आम्दानी रू. ६७ लाख ६५ हजार रहेकोमा माघ मसान्तसम्ममा बढेर रू. ६९ लाख ३८ हजार पुगेको छ । त्यस्तै फण्डको न्याभ पनि बढेको छ ।

पुस मसान्तसम्म फण्डको न्याभ रू. ९ दशमलव ९८ रहेकोमा माघ मसान्तसम्ममा बढेर रू. ९ दशमलव ९९ पुगेको हो । माघ मसान्तसम्ममा फण्डले सूचीकृत शेयरमा रू. ८ करोड ९१ लाख लगानी गरेको छ ।