काठमाडौं । सानिमा म्युचुअल फण्ड अन्तर्गत सञ्चालित सानिमा ग्रोथ फण्ड,सानिमा लार्ज क्याप फण्ड र सानिमा इक्वीटी फण्डले जेठ मसान्तसम्मको खुद सम्पत्ति मूल्य विवरण सार्वजनिक गरेको छन् ।

उक्त वित्तीय विवरण अनुसार यी तीनओटै फण्डको न्याभ बैशाख महीनाको तुलनामा जेठ महीनामा बढेको छ ।  सानिमा ग्रोथ फण्डको न्याभ बैशाख मसान्तमा ९ रूपैयाँ ८४ पैसा रहेकोमा जेठ मसान्तमा बढेर १० रूपैयाँ ०९ पैसा पुगेको छ । त्यस्तै सानिमा लार्ज क्याप फण्डको न्याभ जेठ मसान्तमा ९ रूपैयाँ ५६ पैसा पुगेको छ । यस फण्डको न्याभ बैशाख मसान्तमा ८ रूपैयाँ ८७ पैसा थियो । 

त्यस्तै सानिमा इक्वीटी फण्डको न्याभ  बैशाख मसान्तमा ११ रूपैयाँ ८६ पैसा रहेकोमा जेठ मसान्तमा १२ रूपैयाँ ८० पैसा पुगेको हो । यस फण्डले जेठ मसान्तसम्ममा रू. ७ करोड ७३ लाख नाफा कमाएको छ । बैशाख महीनामा भने फण्ड रू. ४ करोड ४५ लाख नोक्सानीमा थियो । त्यस्तै यस फण्डले सूचीकृत धितोपत्रमा लगानी बढाएको छ । वैशाख मसान्तसम्ममा फण्डले सूचीकृत धितोपत्रमा रू. १ अर्ब लगानी गरेकोमा जेठ मसान्तमा बढेर रू. १ अर्ब १४ करोड भन्दा बढी पुगेको हो । 

सानिमा लार्ज क्याप फण्डले पनि सूचीकृत धितोपत्रमा लगानी बढाएको छ । वैशाख मसान्तसम्ममा फण्डले सूचीकृत धितोपत्रमा रू. ६१ करोड ६५ लाख लगानी गरेकोमा जेठ मसान्तमा बढेर रू. ७१ करोड ६१ लाख पुगेको हो । फण्ड बैशाख मसान्तसम्ममा रू. ४१ हजार नोक्सानीमा रहेकोमा जेठ महीनामा भने रू. ७ करोड ९८ लाख नाफामा गएको छ । 

त्यस्तै सानिमा ग्रोथ फण्डले बैशाख मसान्तसम्ममा सूचीकृत धितोपत्रमा रू. १५ करोड ६३ लाख लगानी गरेकोमा जेठ मसान्तमा बढाएर रू. २३ करोड भन्दा बढी पु¥याएको छ । जेठ मसान्तसम्ममा  यस फण्डले रू. ६३ लाख ४९ हजार भन्दा बढी नाफा कमाएको छ । 
 

सानिमा इक्वीटी फण्डको रिपोर्ट हेर्न यहाँ क्लिक गर्नुहोस
सानिमा लार्ज क्याप फण्डको रिपोर्ट हेर्न यहाँ क्लिक गर्नुहोस
सानिमा ग्रोथ फण्डको रिपोर्ट हेर्न यहाँ क्लिक गर्नुहोस