काठमाडौं । सानिमा म्युचुअल फण्डअन्तर्गत सञ्चालित सानिमा लार्ज क्याप फण्ड, सानिमा इक्वीटी र सानिमा ग्रोथ फण्डले साउन मसान्तको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार साउन मसान्तमा यी तीनओटै फण्ड नोक्सानीमा छन् ।
सानिमा लार्ज क्याप फण्डले साउन मसान्तसम्ममा रू. २ करोड ९७ लाख नोक्सानी व्यहोरेको छ । यो फण्ड असार मसान्तमा भने रू. १० करोड ६३ लाख नाफामा थियो ।
त्यस्तै सानिमा ग्रोथ फण्ड पनि साउन मसान्तसम्ममा रू. ८० लाख ७७ हजार नोक्सानीमा छ । यो फण्ड असार मसान्तमा रू. १ करोड ८२ लाख नाफामा थियो ।
सानिमा इक्वीटी फण्डले असार मसान्तसम्ममा रू. ११ करोड ५० लाख नाफा कमाएकोमा साउन मसान्तमा भने रू. २ करोड ९३ लाख नोक्सानीमा रहेको हो । साउनमा यी तीनओटै फण्डको जम्मा आम्दानी ऋणात्मक रहेकाले नोक्सानीमा रहेका हुन् ।
नाफासँगै कम्पनीहरूको न्याभ पनि घटेको छ । सानिमा इक्वीटी फण्डको न्याभ असार मसान्तमा १३ रुपैयाँ ०९ पैसा रहेकोमा साउन मसान्तमा घटेर १२ रुपैयाँ ८६ पैसामा झरेको छ । यस फण्डले साउन मसान्तमा सूचीकृत शेयरमा रू. १ अर्ब १२ करोडभन्दा बढी लगानी गरेको छ ।
त्यस्तै सानिमा ग्रोथ फण्डको न्याभ पनि घटेको छ । फण्डको न्याभ असार मसान्तमा १० रुपैयाँ २७ पैसा रहेकोमा साउन मसान्तमा घटेर १० रुपैयाँ १५ पैसामा झरेको छ । यस फण्डले साउन मसान्तसम्ममा सूचीकृत धितोपत्रमा रू. ३२ करोड ७८ लाखभन्दा बढी लगानी गरेको छ ।
सानिमा लार्ज क्याप फण्डले साउन मसान्तसम्ममा सूचीकृत शेयरमा रू. ७५ करोड ८८ लाख लगानी गरेको छ । यस फण्डको न्याभ असार मसान्तसम्ममा ९ रुपैयाँ ७८ पैसा रहेकोमा साउन मसान्तमा ९ रुपैयाँ ५३ पैसा कायम भएको हो ।
सानिमा लार्ज क्याप फण्डको रिपोर्ट हेर्न यहाँ क्लिक गर्नुहोस ्
