काठमाडौं । सानिमा म्युचुअल फण्डअन्तर्गत सञ्चालित सानिमा ग्रोथ फण्ड, सानिमा इक्वीटी फण्ड र सानिमा लार्ज फण्डले मङ्सिर मसान्तको खुद सम्पत्ति मूल्य विवरण सार्वजनिक गरेका छन् ।
उक्त वित्तीय विवरण अनुसार यी तीनओटै फण्डको न्याभ कात्तिक मसान्तको तुलनामा मङ्सिर मसान्तमा वृद्धि भएको छ ।
सानिमा ग्रोथ फण्डको न्याभ कात्तिक मसान्तमा ९ रुपैयाँ ९४ पैसा रहेकोमा मङ्सिर मसान्तमा बढेर १० रुपैयाँ ४१ पैसा पुगेको छ । त्यस्तै सानिमा इक्वीटी फण्डको न्याभ कात्तिक मसान्तमा १० रुपैयाँ ४९ पैसा भएकोमा मङ्सिर मसान्तमा बढेर ११ रुपैयाँ ०२ पैसा पुगेको हो ।
सानिमा लार्ज क्याप फण्डको न्याभ कात्तिक मसान्तमा ९ रुपैयाँ १० पैसा रहेकोमा मङ्सिर मसान्तमा ९ रुपैयाँ ५८ पैसा पुगेको छ । यस फण्डले मङ्सिर मसान्तसम्ममा सूचीकृत शेयरमा रू. ७६ करोड ९५ लाख लगानी गरेको छ । यो लगानी कात्तिक मसान्तमा रू. ७० करोड ६० लाख थियो । मङ्सिर मसान्तसम्ममा यो फण्ड रू. २ करोड ४० लाख नोक्सानीमा छ ।
सानिमा इक्वीटी फण्डले मङ्सिर मसान्तसम्ममा सूचीकृत शेयरमा रू. १ अर्ब ७ करोडभन्दा बढी लगानी गरेको छ । सो अवधिमा यो फण्ड रू. ३ करोड ४१ लाख नोक्सानीमा छ । कात्तिक मसान्तमा पनि फण्ड रू. १० करोड ३६ लाख नोक्सानीमा थियो । यस आधारमा फण्डको नोक्सानी कात्तिकको तुलनामा मङ्सिरमा केही घटेको छ ।
सानिमा ग्रोथ फण्डले मङ्सिर मसान्तसम्ममा रू. ९० लाख ५७ हजार नाफा कमाएको छ । कात्तिक मसान्तमा भने फण्ड रू. २ करोड २० लाख नोक्सानीमा थियो । मङ्सिरमा आम्दानीमा सुधार भएसँगै फण्ड नाफामा गएको हो ।
सानिमा इक्वीटी फण्डको रिपोर्ट हेर्न यहाँ क्लिक गर्नुहोस्
सानिमा लार्ज क्याप फण्डको रिपोर्ट हेर्न यहाँ क्लिक गर्नुहोस ्
