काठमाडौं । पाँच कम्पनीको लाभांश सुरक्षित गर्ने अन्तिम दिन मंगलवार रहेको छ।

सिद्धार्थ बैंक, नेपाल एसबिआई बैंक, लुम्बिनी विकास बैंक, बिन्ध्यबासिनी हाइड्रोपावर र राधी विद्युत् कम्पनीको लाभांश सुरक्षित गर्ने अन्तिम दिन पुस १२ अर्थात मंगलवार रहेको छ । यी पाँचओटै कम्पनीले साधारण सभा प्रयोजनको लागि पुस १३ गते बुक क्लोज गरेकाले भोलि पुस १२ गतेसम्म कायम शेयरधनीले साधारण सभामा भाग लिन र लाभांश पाउनेछन् । 

सिद्धार्थ बैंकले गत आर्थिक वर्षको मुनाफाबाट शेयरधनीलाई हाल कायम चुक्तापूँजीको १२ दशमलव ५० प्रतिशत बोनस शेयर र कर प्रयोजनको लागि शून्य दशमलव ६६ प्रतिशत नगद लाभांश वितरण गर्ने प्रस्ताव गरेको हो । यो प्रस्ताव पारितका लागि कम्पनीले पुस २८ गते साधारण सभा बोलाएको छ । सभा आर्मी अफिसर्स क्लब, भद्रकालीमा बिहान ११ बजे शुरू हुने कम्पनीले जानकारी दिएको छ । 

त्यस्तै नेपाल एसबिआई बैंकले हाल कायम चुक्तापूँजीको ३ प्रतिशत बोनस शेयर र करसहित ७ दशमलव ५३ प्रतिशत नगद लाभांश वितरण गर्ने प्रस्ताव गरेको छ । यो प्रस्ताव पारितका लागि कम्पनीले पुस २५ गते साधारण सभा बोलाएको छ । सभा त्रिभुवन आर्मी अफिसर्स क्लब, भद्रकालीमा बिहान ११ बजे शुरू गर्ने कम्पनीले जानकारी दिएको छ । 

राधी विद्युत कम्पनीले हाल कायम चुक्तापूँजीको ४ दशमलव ७५ प्रतिशत बोनस शेयर र कर प्रयोजनको लागि शून्य दशमलव २५ प्रतिशत नगद लाभांश वितरण गर्ने प्रस्ताव गरेको छ । यो प्रस्ताव पारितको लागि कम्पनीले पुस २८ गते साधारण सभा बोलाएको छ । सभा कम्पनीको कार्यालय त्रिपुरेश्वरमा बिहान ११ बजे शुरू हुने जानकारी दिइएको छ । 

बिन्ध्यबासिनी हाइड्रोपावर डेभलपमेन्ट कम्पनीले गत आवको मुनाफाबाट हाल कायम चुक्तापूँजीको ५ प्रतिशत बोनस शेयर र कर प्रयोजनको लागि शून्य दशमलव शून्य २ प्रतिशत नगद लाभांश वितरण गर्ने प्रस्ताव गरेको छ । यो प्रस्ताव पारितको लागि कम्पनीले पुस २२ गते साधारण सभा बोलाएको छ । सभा कम्पनीको कार्यालय परिसर नयाँ बानेश्वर, काठमाडौमा बिहान १० बजे भर्चुअल माध्यमबाट गर्ने कम्पनीले जानकारी दिएको छ । 

त्यसैगरी लुम्बिनी विकास बैंकले गत आवको मुनाफाबाट शेयरधनीलाई हाल कायम चुक्तापूँजीको ३ प्रतिशत बोनस शेयर र करसमेत गरेर ९ प्रतिशत  नगद लाभांश वितरण गर्ने प्रस्ताव गरेको छ । यो प्रस्ताव पारितका लागि कम्पनीले पुस २६ गते साधारण सभा बोलाएको छ । सभा अमृतभोग कालिका स्थान, काठमाडौंमा बिहान ११ बजे गर्ने कम्पनीले जानकारी दिएको छ ।