अन्तर्राष्ट्रिय मुद्रा कोष (आइएमएफ) ले युक्रेनका लागि १५ अर्ब ६० करोड अमेरिकी डलर बराबरको ऋण कार्यक्रमको चौथो समीक्षा सम्पन्न गरेको छ । समीक्षा पछि आइएमएफ ले युक्रेनलाई २ अर्ब २० करोड अमेरिकी डलर स्वीकृत गरेको अन्तरराष्ट्रिय सञ्चारमाध्यमले उल्लेख गरेका छन् । 

आईएमएफले एक विज्ञप्ति जारी गर्दै प्रतिकूल परिस्थितिका बावजुद विस्तारित वित्तीय सहजता कार्यक्रममा युक्रेनको प्रदर्शन बलियो रहेको र परिमाणात्मक लक्ष्यहरू पनि हासिल गरिएको र संरचनात्मक बेन्चमार्कहरू समयमै कार्यान्वयन गरिएको जनाएको छ। 

आईएमएफले सन् २०२४ मा युक्रेनको कुल गार्हस्थ्य उत्पादन (जीडीपी) वृद्धिदर २.५ देखि ३.५ प्रतिशतको हाराहारीमा रहने प्रक्षेपण गरेको थियो । भने गत अप्रिलमा जारी गरिएको वल्र्ड इकोनोमिक आउटलुक रिपोर्टमा ३.२ प्रतिशतको पूर्वानुमान गरेको थियो । 

आईएमएफले युक्रेनमा रूसी सैन्य अपरेसनमा हालैको विकासको कारण उपभोक्ता भावना र व्यापारिक विश्वासमा गिरावट लाई इंगित गरेको । साथै रूसी आक्रमणमा वृद्धि भएको छ जसले त्यहाँको पूर्वाधारमा क्षति पुर्‍याएको छ। रासस