काठमाडौं । छिमेक लघुवित्त वित्तीय संस्था लिमिटेडले संस्थापक तर्फको १ लाख ९७ कित्ता शेयर लिलामीमा ल्याएको छ । विवेक अग्रवालको नाममा रहेको यी शेयर कम्पनीले प्रतिकित्ता ४०० रुपैयाँ मूल्य तोकेर विक्रीमा ल्याएको हो । यी शेयर खरीदका लागि विद्यमान संस्थापक शेयरधनीहरूले मात्र आवेदन पेश गर्न सक्नेछन् ।

आगामी ३५ दिनभित्र कम्पनीको केन्द्रिय कार्यालय मध्यबानेश्वर, काठमाडौंमा आवेदन पेश गर्नुपर्नेछ । तोकिएको अवधिभित्र विद्यमान संस्थापक शेयरधनीहरूबाट आवेदन प्राप्त नभएमा अन्य व्यक्ति तथा संस्थामा यी शेयर विक्री गरिने जानकारी कम्पनीले दिएको छ ।