काठमाडौं । राधी विद्युत कम्पनी लिमिटेडले चालू आवको दोस्रो त्रैमासिक वित्तीय विवरण सार्वजनिक गरेको छ ।

उक्त वित्तीय विवरण अनुसार कम्पनीको खुद नाफा गत आवको दोस्रो त्रैमासको तुलनामा चालू आवको सोही अवधिमा १३ दशमलव ३३ प्रतिशत घटेको छ । यस कम्पनीले गत आवमा रू.७ करोड ३१ लाख नाफा कमाएकोमा चालू आवमा रू. ६ करोड ३३ लाखमा सिमित भएको हो ।

जलविद्युतको ब्यापारिक उत्पादन शुरु गरेको मितिले दश वर्षसम्म पाउने आयकर छुटको अवधि समाप्त भइ सकिएकाले सय प्रतिशत नै आयकर तिर्नुपर्ने ब्यवस्था बमोजिम आयकरको ब्यवस्था गरिएको छ यस कारण दोस्रो त्रैमासमा कम्पमनीको नाफामा असर परेको कम्पनीले वित्तीय विवरण मार्फत जनाएको छ । 

कम्पनीको विद्युत विक्री आम्दानी भने गत आवको तुलनामा चालू आवमा २ दशमलव ६६ प्रतिशत वृद्धि भएको छ । गत आवमा कम्पनीले विद्युत विक्री बापत रू.७ करोड ४० लाख रहेकोमा चालू आवमा सामान्य बढेर रू. ७ करोड ५९ लाख पुगेको छ । दोस्रो त्रैमाससम्ममा कम्पनीको प्रतिशेयर आम्दानी ७ रुपैयाँ २२ पैसा(वार्षिकीकरण), मूल्य आम्दानी अनुपात ४७ दशमलव ९१ गुणा र प्रतिशेयर नेटवर्थ १ सय २३ रुपैयाँ २४ पैसा रहेको छ । 
चुक्ता पूँजी रू. १ अर्ब ७५ करोड रहेको कम्पनीले अन्य इक्विटीमा रू. ४० करोड ४० करोड ८० लाख सञ्चिती गरेको छ ।