काठमाडौं । मेरो माइक्रोफाइनान्स लघुवित्त वित्तीय संस्था लिमिटेड र सपोर्ट लघुवित्त वित्तीय संस्था लिमिटेडले यस वर्षको बोनस शेयर वितरण गरेका छन् । यी दुबै कम्पनीले धितोपत्र दोस्रो बजारमा बोनस शेयर सूचीकृत गराई सम्बन्धित शेयरधनीहरुको हितग्राही खातामा जम्मा गरेका हुन । मेरो माइक्रोफाइनान्सले ७ दशमलव ५ प्रतिशत र सपोर्ट लघुवित्तले १३ दशमलव ७७५ प्रतिशत बोनस शेयर वितरण गरेको हो ।

सपोर्ट लघुवित्तले गत मंसिर १४ गतेसम्म कायम र मेरो माइक्रोफाइनान्सले गत पुस १९ गतेसम्म कायम शेयरधनीहरुमा मात्र बोनस शेयर वितरण गरेको हो । सो मितिसम्म आफ्नो शेयर धितो बन्धक राखेका शेयरधनीहरुको हकमा सम्बन्धित बैंक तथा वित्तीय संस्थाको नाममानै रोक्का राखिएकाले कर्जा फुकुवा भैसकेको भए फुकुवा पत्र पेश गर्न पनि कम्पनीहरुले भनेका छन् । साथै हालसम्म पनि हितग्राही खाता नखोलेका सदस्यहरुलाई यथासिघ्र खोली आफ्नो बोनस शेयर सुरक्षित गर्न समेत कम्पनीले भनेको छ ।