काठमाडौं । ग्रीन डेभलपमेण्ट बैंक लिमिटेडले यस वर्ष कुल ४ प्रतिशत लाभांश वितरण गर्ने भएको छ ।

चैत २६ गते बसेको कम्पनीको सञ्चालक समिति बैठकले गत आर्थिक वर्ष ०७८/७९ को मुनाफाबाट हाल कायम चुक्तापूँजीको आधारमा ३ दशमलव ८० प्रतिशत बोनस शेयर र कर प्रयोजनका लागि शून्य दशमलव २० प्रतिशत नगद लाभांश वितरण गर्ने प्रस्ताव गरेको हो । 

हाल कम्पनीको चुक्तापूँजी रू. ५१ करोड ९० लाख रहेको छ । सोही पूँजीको आधारमा रू. १ करोड ९७ लाख २२ हजार बराबरको बोनस शेयर र कर प्रयोजनका लागि रू. १० लाख ३८ हजार बराबरको नगद लाभांश वितरण गर्ने प्रस्ताव कम्पनीले गरेको हो ।

प्रस्तावित लाभांश नेपाल राष्ट्र बैंकको स्वीकृति र कम्पनीको आगामी साधारण सभाले पारित गरेपछि वितरण हुनेछ । गत वर्ष लगानीकर्ताको हात खाली बनाएको कम्पनीले यस वर्ष लाभांशसम्बन्धी प्रस्ताव गरेको छ ।

यसअघि कम्पनीले आर्थिक वर्ष ०७६/७७ को मुनाफाबाट ३ दशमलव ८० प्रतिशत बोनस शेयर र कर प्रयोजनका लागि शून्य दशमलव २० प्रतिशत नगद लाभांश वितरण गरेको थियो ।