काठमाडौं । कुथेली बुखरी स्मल हाइड्रोपावर लिमिटेडले १२औं वार्षिक साधारण सभा पुस २७ गते गर्ने भएको छ । सभा जर्मन होम्स हस्पिटालिटी प्रा.लि गठ्ठाघर, साझा पेट्रोल पम्प नजिकै बिहान ११ः३० बजे शुरु गर्ने जानकारी दिएको छ । 

सभाले गत आर्थिक वर्षको वार्षिक प्रतिवेदन छलफल गरी पारित गर्नुका साथै चालू आवको लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पारित गर्नेछ । त्यस्तै सभाले कम्पनीको नयाँ आयोजनाहरूको पहिचान गरी लगानी गर्ने ता अरु कम्पनीबाट समेत प्रवर्द्धन भई विकास निर्माण भइरहेका जलविद्युत् आयोजनामा लगानी गर्ने प्रस्ताव पनि पारित गर्नेछ । 

साधारण सभा प्रयोजनको लागि कम्पनीले पुस १८ गते बुक क्लोज गरेको छ । यस बुक क्लोजको आधारमा पुस १७ गतेसम्म कायम शेयरधनी साधारण सभामा भाग लिन सक्नेछन् ।