काठमाडौं। महालक्ष्मी विकास बैंकको पालुङ शाखाले मकवानपुरको थाहा नगरपालिका–११, देउरालीस्थित कालीदेवी प्राथमिक विद्यालयमा अध्ययनरत विपन्न वर्गका ५५ जना विद्यार्थीलाई न्यानो कपडा सहयोग गरेको छ । जाडो मौसममा विभिन्न स्वास्थ्य समस्या देखिएको र पठनपाठनमा समेत प्रत्यक्ष असर परेको पाइएकोले ५५ थान पोलार ज्याकेट वितरण गरिएको बैंकले जानकारी दिएको छ ।

साथै बैंकले सर्वोदय परियोजनासँगको समन्वयमा दृष्टिविहीन कलाकारको सृजनशीलतालाई प्रवर्द्धन गर्न ‘अदृश्य मोतीहरू’ नामक कार्यक्रम सञ्चालन गर्न आर्थिक सहयोग गरेको बताइएको छ । यस कार्यबाट अपांगता भएका व्यक्तिको प्रतिभा प्रस्तुत गर्न तथा समाजमा आफ्नो उपस्थिति देखाउन सहयोग पुग्ने साथै समावेशी समाज निर्माण गर्न सहयोग पुग्ने विश्वास बैंकको छ । बैंकले हालै ग्राहकलाई अत्याधुनिक, सुरक्षित तथा सहज डिजिटल बैंकिङ सुविधा उपलब्ध गराउने बैंकको नीति बमोजिम मोबाइल एप्लिकेसनलाई परिष्कृत गर्दै ‘महालक्ष्मी स्मार्ट साथी’ सञ्चालनमा ल्याएको बताइएको छ ।