काठमाडौं ।आर्थिक वर्ष २०८१/८२ को नौ महिना (साउन-चैत्र सम्म)मा नेपालको वैदेशिक व्यापारमा सुधार देखिएको । भन्सारको तथ्यांक राख्ने तालुकदार निकाय भन्सार विभागले  जारी गरेको पछिल्लो तथ्याङ्क अनुसार नेपाली वस्तु तथा सेवा निर्यातमा ६५ प्रतिशत भन्दा बढी वृद्धि भएको छ भने आयातमा पनि सामान्य वृद्धि भएको छ।

निर्यात तर्फ गत आर्थिक वर्ष (२०८०/८१) को सोही अवधिको तुलनामा ६५.१६ प्रतिशतले वृद्धि भइ रु. १८८.२ अर्ब पुगेको छ । गत वर्ष: रु. ११३.९५ अर्ब बरावरको निर्यात भएको थियो । कुल व्यापारमा निर्यातको हिस्सा  ८.८९ प्रतिशत  बाट बढेर १२.५७ प्रतिशत पुगेको छ।

आयात १२.१८ प्रतिशत  ले बढेर रु. १३ खर्ब ९ अर्ब पुगेको छ । गत वर्ष रु. ११  खर्ब ६७ अर्ब रहेको थियो । तर, कुल व्यापारमा आयातको हिस्सा ९१.११ प्रतिशत  बाट घटेर ८७.४३ प्रतिशतमा सीमित भएको छ।

निर्यातमा सुधार भएतापनि आयातमा निर्भरताले व्यापार घाटा ६.४५ प्रतिशत  ले बढेर रु. १.१२१ खर्ब पुगेको छ । निर्यात र आयात दुबैको वृद्धिले कुल वैदेशिक व्यापार १६.८९ प्रतिशत  ले बढेर रु. १४ खर्ब ९७ अर्ब पुगेको छ।

प्रकाशित तथ्यांक अनुसार आयात-निर्यात अनुपातमा सुधार देखिएको छ । आयात-निर्यात अनुपात १०.२४ बाट घटेर ६.९६ मा पुगेको छ । जसले निर्यात वृद्धिले आयातलाई पछि पारेको देखिन्छ भने नेपालको ऐतिहासिक असमान व्यापार सन्तुलनमा सुधारको संकेत देखिएको छ।

 हस्तकला, वस्त्र, कृषि जस्ता प्रमुख निर्यात क्षेत्रको उत्पादन बढेको र वैदेशिक मागमा वृद्धिले दीर्घकालीन व्यापार घाटासँग जुधिरहेको नेपालको अर्थतन्त्रका लागि निर्यातमा वृद्धि सकारात्मक संकेत हो। 

यस्तो छ भन्सारको तथ्यांक

Trade Indicators	FY 2080/81 (First 9 Months)	FY 2081/82 (First 9 Months)	Change (%)
Imports (Rs.in `000)	1,167,369,808	1,309,532,838	12.18
Exports (Rs.in `000)	113,946,007	188,195,070	65.16
Trade Deficit (Rs.in `000)	1,053,423,801	1,121,337,768	6.45
Total  Foreign Trade (Rs.in `000)	1,281,315,815	1,497,727,908	16.89
Imports/Exports Ratio	10.24	6.96	-32.08
Exports Share to Total Trade (%)	8.89	12.57	41.30
Imports Share to Total Trade (%)	91.11	87.43	-4.03