.jpg)
काठमाडौं । सानिमा म्युचुअल फण्डअन्तर्गत सञ्चालित सानिमा इक्वीटी फण्डले असोज मसान्तको खुद सम्पत्ति मूल्य विवरण सार्वजनिक गरेको छ । उक्त वित्तीय विवरण अनुसार फण्ड असोज मसान्तमा रू. ९ करोड ६९ लाख नोक्सानीमा छ ।
फण्ड भदौमा पनि रू. ४ करोड ८२ लाख नोक्सानीमा थियो । यस आधारमा फण्डको नोक्सानी बढेको छ । असोजमा फण्डको कुल आम्दानी रू. ८ करोड ९० लाख ऋणात्मक रहेकाले खर्चमा वृद्धि भएकाले नोक्सानी बढेको हो ।
त्यस्तै फण्डको न्याभ भदौको तुलनामा असोजमा घटेको छ । भदौ मसान्तमा फण्डको न्याभ १२ रुपैयाँ ७२ पैसा रहेकोमा असोज मसान्तमा घटेर १० रुपैयाँ ५४ पैसामा सीमित भएको हो । यस फण्ड असोज मसान्तसम्ममा सूचीकृत शेयरमा रू. १ अर्ब १ करोड लगानी गरेको छ । यो लगानी भदौ मसान्तमा रू. १ अर्ब ९ करोड थियो । त्यस्तै फण्डले असोज मसान्तसम्ममा बैंक मुद्दति निक्षेपमा रू. १७ करोड लगानी गरेको छ ।
