काठमाडौं । यो साता धितोपत्र दोस्रो बजारका लगानीकर्ताले ८४ अर्ब ७९ करोड रुपैयाँभन्दा बढी गुमाएका छन् । 

गत साताको अन्तिम कारोबार दिन ४४ खर्ब ८३ अर्ब ८० करोड ४१ लाख रुपैयाँ रहेको कुल बजार पूँजीकरण यो साताको अन्तिम कारोबार दिन ४३ खर्ब ९९ अर्ब १ करोड ११ लाख रुपैयाँ कायम भएको हो । प्रतिशतका हिसाबमा यो साता कुल बजार पूँजीकरण १ दशमलव ८९ प्रतिशत घटेको हो ।

यो साता समग्र धितोपत्र दोस्रो बजार घटेसँगै लगानीकर्ताको सम्पत्ति मूल्यमा पनि कमी आएको हो । यो साता नेप्से परिसूचक १ दशमलव ९३ प्रतिशत अर्थात् ५२ दशमलव १० अंकले घटेको हो । 

गत साताको अन्तिम कारोबार दिन २ हजार ६९३ दशमलव शून्य ६ विन्दुमा रहेको नेप्से परिसूचक यो साताको अन्तिम कारोबार दिन २ हजार ६४० दशमलव ९६ विन्दुमा बन्द भएको हो । 

आगामी आर्थिक वर्षको बजेटपछिको साता लगानीकर्ता उत्साहित हुन नसक्दा बजार प्रभावित बनेको हो । आगामी वर्षको बजेटमा पूँजीबजारका लागि नयाँ विषय नसमेटिए पनि बजारमा नकारात्मक प्रभाव पर्ने खालाका व्यवस्था भएको छैन । लगानीकर्ता बजेटप्रति सकारात्मक बने पनि बजारमा भने उत्साह कम देखिएको हो । अझै पनि लगानीकर्ता अन्योलको अवस्थामा रहेको ब्रोकरहरूको बुझाइ छ ।

यो साता कुल कारोबार रकम ४ प्रतिशतभन्दा बढीले घटेको छ भने कारोबार कित्ता ३ दशमलव २० प्रतिशत कम भएको छ । गत साता ३० अर्ब ३० करोड रुपैयाँभन्दा बढीको ७ करोड ७ लाखभन्दा बढी कित्ता धितोपत्र कारोबार भएकोमा यो साता २९ अर्ब ४ करोड रुपैयाँभन्दा बढीको ६ करोड ८४ लाखभन्दा बढी कित्ता धितोपत्र कारोबार भएको हो । 

यो साता औसत कारोबार रकम र कित्ता पनि घटेको छ । नेप्सेको तथ्यांकअनुसार गत साता औसतमा ७ अर्ब ५७ करोड रुपैयाँभन्दा बढीको १ करोड ७६ लाखभन्दा बढी कित्ता धितोपत्र कारोबार भएकोमा यो साता औसतमा ७ अर्ब २६ करोड रुपैयाँभन्दा बढीको १ करोड ७१ लाखभन्दा बढी कित्ता धितोपत्र कारोबार भएको हो ।

सातागत परिसूचकको तुलना

विवरण	यो साता	गत साता	फरक	फरक प्रतिशत
नेप्से परिसूचक (अंक)	2,640.96	2,693.06	-52.1	-1.93
सेन्सेटिभ इन्डेक्स (अंक)	451.33	461.2	-9.87	-2.14
कारोबार रकम (रू. हजारमा)	29,040,105.44	30,308,408.72	-1,268,303.28	-4.18
कारोबार कित्ता	68,461,612	70,725,337	-2,263,725	-3.2
औसत कारोबार रकम (रू. हजारमा)	7,260,026.36	7,577,102.18	-317,075.82	-4.18
औसत कारोबार कित्ता	17,115,403	17,681,334	-565,931	-3.2
कुल बजार पूँजीकरण (रू. दश लाखमा)	4,399,011.18	4,483,804.18	-84,793.00	-1.89

स्रोत : नेपाल स्टक एक्सचेञ्ज (नेप्से)

लगानी समूह र म्यचुअल फण्ड समूहको परिसूचक बढ्यो

यो साता समग्र बजार घटे पनि लगानी समूहको शून्य दशमलव ९२ प्रतिशत र म्युचुअल फण्डको परिसूचक शून्य दशमलव २६ प्रतिशत बढेको हो । यो साता बैंकिङ समूहको परिसूचक भने सर्वाधिक ३ दशमलव ९३ प्रतिशत घटेको छ । 

त्यस्तै लघुवित्तको २ दशमलव ६१ प्रतिशत, व्यापारिकको २ दशमलव शून्य ८ प्रतिशत, वित्तको १ दशमलव ८५ प्रतिशत, विकास बैंकको १ दशमलव ८४ प्रतिशत, अन्यको १ दशमलव ८३ प्रतिशत, निर्जीवन बीमाको १ दशमलव ६५ प्रतिशत, जीवन बीमाको १ दशमलव ५५ प्रतिशत, उत्पादन तथा प्रशोधनको १ दशमलव ४८ प्रतिशत, होटल तथा पर्यटनको शून्य दशमलव ७४ प्रतिशत र जलविद्युतको शून्य दशमलव ७४ प्रतिशत परिसूचक घटेको छ ।

साताव्यापी समूहगत परिसूचकमा आएको परिवर्तन

विवरण	यो साता	गत साता	फरक प्रतिशत
लगानी	111.89	110.87	0.92
म्युचुअल फण्ड	19.19	19.14	0.26
जलविद्युत्	3,450.83	3,471.06	-0.58
होटल तथा पर्यटन	6,738.66	6,788.62	-0.74
उत्पादन तथा प्रशोधन	7,178.65	7,286.22	-1.48
जीवन बीमा	12,997.07	13,201.56	-1.55
निर्जीवन बीमा	12,206.35	12,411.32	-1.65
अन्य	2,299.96	2,342.80	-1.83
विकास बैंक	5,467.21	5,569.95	-1.84
वित्त	2,352.88	2,397.16	-1.85
व्यापार	4,254.91	4,345.31	-2.08
लघुवित्त	4,705.11	4,831.23	-2.61
बैंकिङ्ग	1,364.42	1,420.24	-3.93

स्रोत : नेपाल स्टक एक्सचेञ्ज (नेप्से)