काठमाडौं । नेपाली बजारमा सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार शुक्रवार (आज) सुन प्रतितोला रू. दुई हजार बढेको हो ।  

गत बिहीवार प्रतितोला रू. एक लाख ५१ हजार पाँच सयमा कारोबार भएको सुन आज रू. एक लाख ५३ हजार पाँच सयमा खरीदविक्री भइरहेको छ । 

अन्तरराष्ट्रिय बजारमा देखिएको उतारचढाव र नेपाली बजारमा माग बढेसँगै सुनको मूल्य बढेको व्यवसायी बताउँछन् । 

यस्तै, आज चाँदीको मूल्य प्रतितोला रू. २० बढेको छ । आज नेपाली बजारमा चाँदी प्रतितोला रू. एक हजार आठ सय १० मा कारोबार भइरहेको सुनचाँदी व्यवसायी महासंघले जनाएको छ ।