काठमाडौं । बेष्ट फाइनान्स लिमिटेडले गत आर्थिक वर्ष (आव)को चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा ७६ दशमलव ८७ प्रतिशत घटेको छ ।

अघिल्लो आवमा कम्पनीले रू. १६ करोड ७२ लाख नाफा कमाएकोमा गत आवमा रू. ३ करोड ८६ लाखमा सीमित भएको हो । गत आवमा कम्पनीको सञ्चालन नाफा ७३ प्रतिशत घटेकाले नाफा प्रभावित भएको हो । नाफा घटेसँगै कम्पनीको प्रतिशेयर आम्दानी पनि घटेको छ । अघिल्लो आवमा कम्पनीको प्रतिशेयर आम्दानी २० रुपैयाँ १७ पैसा रहेकोमा गत आवमा घटेर ४ रुपैयाँ ५२ पैसामा झरेको छ ।

अघिल्लो आवको तुलनामा गत आवमा कम्पनीको खुद ब्याज आम्दानी भने ३ दशमलव ३७ प्रतिशत वृद्धि भएको छ । अघिल्लो आवमा कम्पनीको खुद ब्याज आम्दानी रू. १२ करोड ६६ लाख रहेकोमा गत आवमा बढेर रू. १३ करोडभन्दा बढी पुगेको छ ।

कम्पनीको चुक्ता पूँजी रू. ८५ करोड ४८ लाख छ । त्यस्तै कम्पनीले जगेडामा रू. ५३ करोड २९ लाख सञ्चिति गरेको छ । रिटेन्ड अर्निङ भने रू. २० करोड ८४ लाख ऋणात्मक छ । गत आवमा कम्पनीको मूल्य आम्दानी अनुपात ७८ दशमलव ०३ गुणा, तरलता अनुपात २९ दशमलव ६१ प्रतिशत र प्रतिशेयर नेटवर्थ रू. १३९ दशमलव ७१ छ । सो अवधिमा कम्पनीले रू. ४ अर्ब १७ करोडभन्दा बढी निक्षेप संकलन गरेर रू. ३ अर्ब ५९ करोडभन्दा बढी कर्जा प्रवाह गरेको छ ।

रिपोर्ट हेर्न यहाँ क्लिक गर्नुहोला

Best Finance Company Ltd. (BFC)

Best Finance Company Ltd. (BFC)