काठमाडौं । चालू आर्थिक वर्ष (आव)को पहिलो त्रैमाससम्म हिमालयन लघुवित्त वित्तीय संस्था लिमिटेडले १० लाख ८६ हजार रुपैयाँ मात्र खुद नाफा गरेको छ । गत वर्षको यसै अवधिसम्म ७२ लाख ८३ हजार रुपैयाँ खुद नाफा गरेको कम्पनीको यस वर्ष ८५ प्रतिशत कम नाफा भएको हो ।

कम्पनीको सञ्चालन नाफा पनि ८५ प्रतिशत घटेको छ । गत वर्ष १ करोड ४ लाख रुपैयाँभन्दा बढी सञ्चालन नाफा गरेको कम्पनीले यस वर्ष १५ लाख ५२ हजार रुपैयाँ मात्र यो नाफा गरेको हो । इम्पेयरमेन्ट चार्ज भने यस वर्ष कम भएको छ । गत वर्ष १ करोड २ लाख रुपैयाँभन्दा बढी रहेको इम्पेयरमेन्ट चार्ज यस वर्ष ६३ लाख १७ हजार रुपैयाँभन्दा बढी रहेको हो ।

पहिलो त्रैमाससम्म कम्पनीको वितरणयोग्य नाफा १ करोड रुपैयाँभन्दा बढी ऋणात्मक रहेको छ ।

हाल कम्पनीको चुक्ता पूँजी ३१ करोड ९८ लाख रुपैयाँभन्दा बढी छ । शेयर प्रिमियममा ४ करोड ५५ लाख रुपैयाँभन्दा बढी रहेको कम्पनीको रिटेन्ड अर्निङ १ करोड रुपैयाँभन्दा बढी ऋणात्मक छ ।

कम्पनीको जगेडा कोष रकम भने १० करोड ५३ लाख रुपैयाँभन्दा बढी छ । पहिलो त्रैमाससम्म ९७ करोड ८ लाख रुपैयाँभन्दा बढी निक्षेप संकलन गरेको कम्पनीले ३ अर्ब १४ करोड रुपैयाँभन्दा बढी कर्जा सापटी लिएको छ ।

यस वर्ष पहिलो त्रैमाससम्म कम्पनीले ४ अर्ब ५८ करोड रुपैयाँभन्दा बढी कर्जा प्रवाह गरेको छ । गत वर्ष १ दशमलव ४७ प्रतिशत निष्क्रिय कर्जा रहेको कम्पनीको यस वर्ष २ दशमलव ९२ प्रतिशत कायम भएको छ । कम्पनीको वार्षिक प्रतिशेयर आम्दानी १ रुपैयाँ ३६ पैसा छ भने प्रतिशेयर नेटवर्थ १३९ रुपैयाँ ७४ पैसा छ ।

रिपोर्ट हेर्न यहाँ क्लिक गर्नुहोस्

Himalayan Laghubitta Bittiya Sanstha Limited (HLBSL)

Himalayan Laghubitta Bittiya Sanstha Limited (HLBSL)