काठमाडौं । चालू आर्थिक वर्ष (आव)को आठ महीनासम्म २० ओटा वाणिज्य बैंकले रू. ४२ अर्ब ३० भन्दा बढी नाफा कमाएका छन् । 

चालू आवको फागुन मसान्तसम्म सबैभन्दा धेरै नाफा नबिल बैंकले कमाएको छ । नबिलले उक्त अवधिमा रू. ४ अर्ब ७२ करोड नाफा कमाएको हो ।

उक्त अवधिमा सर्वाधिक नाफा कमाउनेको सूचीमा दोस्रो स्थानमा ग्लोबल आइएमई बैंक छ । यस बैंकले चालू आवको ८ महीनामा रू. ३ अर्ब ४३ करोड नाफा कमाएको हो । उक्त अवधिमा ६ बैंकको नाफा २ अर्बभन्दा बढी छ । 

समीक्षा अवधिमा प्राइम कर्मशियलले फागुन मसान्तसम्ममा रू. २ अर्ब ८८ करोड नाफा कमाएको हो । त्यस्तै स्ट्याण्डर्ड चार्टर्डले रू. २ अर्ब ८ करोड, एभरेष्टले रू. २ अर्ब २९ करोड, एनआईसी एशियाले रू. २ अर्ब ५४ करोड, नेपाल इन्भेष्टमेण्ट मेगाले २ अर्ब ८० करोड र राष्ट्रिय वाणिज्यले रू. २ अर्ब ८७ करोडभन्दा बढी नाफा कमाएका हुन् । 

त्यस्तै कृषि विकासले रू. १ अर्ब ९७ करोडभन्दा बढी नाफा कमाएको छ । वाणिज्य बैंकहरूमध्ये सबैभन्दा कम नाफा नेपाल एसबिआईको रू. १ अर्ब छ । त्यस्तै माछापुच्छ्रेको नाफा रू. १ अर्ब १६ करोड नाफा कमाएको छ । 

उक्त अवधिमा हिमालयनले रू. १ अर्ब ९४ करोड, एनएमबिले रू. १ अर्ब ९७ करोड, एनएमबिले रू. १ अर्ब ९२ करोड, लक्ष्मी सनराइजले रू. १ अर्ब ८२ करोड, सिद्धार्थले रू. १ अर्ब ६९ करोड, सानिमाले रू. १ अर्ब ६६ करोड, प्रभुले रू. १ अर्ब ५१ करोड, नेपाल बैंकले रू. १ अर्ब २८ करोड र सिटिजन्स बैंक इन्टरनेशनलले रू. १ अर्ब २२ करोड नाफा आर्जन गरेको छ । 

कुनको कति ?

 

बैंकको नाम	फागुनसम्मको नाफा रू= दश लाखमा
नबिल बैंक	4,724.21
ग्लोबल आइएमई बैंक	3,433.09
प्राइम कमर्शियल बैंक	2,887.80
राष्ट्रिय वाणिज्य बैंक	2,877.66
नेपाल इन्भेष्टमेण्ट मेगा बैंक	2,804.53
एनआईसी एशिया बैंक	2,542.44
एभरेष्ट बैंक	2,293.47
स्ट्याण्डर्ड चार्टर्ड बैंक	2,089.67
कृषि विकास बैंक	1,976.76
हिमालयन बैंक	1,948.36
एनएमबि बैंक	1,925.28
लक्ष्मी सनराइज बैंक	1,820.68
सिद्धार्थ बैंक	1,696.54
सानिमा बैंक	1,664.82
प्रभु बैंक	1,514.58
कुमारी बैंक	1,424.67
नेपाल बैंक	1,282.95
सिटीजन बैंक इन्टरनेशनल	1,226.53
माछापुच्छ्रे बैंक	1,164.84
नेपाल एसबिआई बैंक	1,008.02
कुल नाफा	42,306.92