काठमाडौं । ग्लोबल आईएमई म्युचुअल फन्डअन्तर्गत सञ्चालित ‘ग्लोबल आईएमई ब्यालेन्स्ड फन्ड–१’ को लाभांश सुरक्षित गर्ने अन्तिम दिन आज रहेको छ ।  योजना व्यवस्थापक ग्लोबल आईएमई क्यापिटलले यो योजनाको लाभांश वितरण प्रयोजनको लागि भोलि अर्थात् असोज २५ गते बुक क्लोज गर्ने निर्णय गरेको छ । यस आधारमा आजसम्म कायम शेयरधनीले साधारण सभामा भाग लिन र लाभांश पाउनेछन् । 

यो योजनाका इकाइधनीहरूलाई गत आर्थिक वर्षको मुनाफाबाट करसहित ५ प्रतिशत नगद लाभांश वितरण गर्ने घोषणा गरिएको छ । जसअनुसार इकाइधनीहरूलाई कुल ५ करोड १२ लाख ८८ हजार १८० रुपैयाँ वितरण गरिनेछ । यस योजनाको कोष प्रवर्द्धकमा ग्लोबल आईएमई बैंक रहेको छ।