काठमाडौं । आर्थिक अभियान राष्ट्रिय दैनिकका संवाददाता प्रशान्त खड्कासहित ६ जना पत्रकारले कोदोबारेको समाचार लेखन पुरस्कार–२०८१ पाएका छन् । 

राष्ट्रिय कृषक समूह महासंघ र एशोसिएशन अफ नेपाली एग्रिकल्चरल जर्नालिस्ट (अनाज)ले कोदो दिवस (गत साउन १५ गते)को अवसरमा घोषणा गरिएको पुरस्कार आज (पुस ५ गते) प्रदान गरिएको हो ।  

जसअन्तर्गत सर्वोत्कृष्ट पुरस्कार हिमालय टाइम्सका लेखनाथ पोखरेलले पाएका छन् भने उत्कृष्ट पुरस्कार अन्नपूर्ण पोस्टकी ममता थापा र उज्यालो रेडियो नेटवर्कका मदन पौड्याललाई दिइएको छ । अन्य पुरस्कृत हुनेहरूमा खड्कासहित रातोपाटी अनलाइनकी सरिता थारू र टक्सार म्याग्जिनका रवि थापा छन् ।

पुरस्कृत पत्रकारहरूलाई आज (पुस ५ गते) कृषिमन्त्री रामनाथ अधिकारीले सम्मान पत्र र नगद पुरस्कार वितरण गरे ।