काठमाडौं । आरविवि म्युचुअल फण्डअन्तर्गत सञ्चालित आरविवि म्युचुअल फण्ड २ को प्रतिइकाई खुद मूल्य कात्तिकमा बढेको छ । असोज मसान्तसम्म ९ रुपैयाँ ८८ पैसा रहेको प्रतिइकाई खुद मूल्य कात्तिक मसान्तसम्म ९ रुपैयाँ ९५ पैसा कायम भएको छ ।

१० वर्षे अवधिको बन्दमुखी प्रकृतिको योजनाले ८ करोड ४६ लाख ११ हजार ९२९ कित्ता इकाई जारी गरेको थियो । यो योजना २०९० जेठ ७ गते परिपक्क हुनेछ । 

असोजको तुलनामा कात्तिकमा योजनाको खुद नोक्सानी घटेको छ । असोज मसान्तसम्म १ करोड ७२ लाख रुपैयाँभन्दा बढी खुद नोक्सानीमा रहेको कम्पनी कात्तिक मसान्तसम्म १ करोड १३ लाख रुपैयाँभन्दा बढी खुद नोक्सानीमा छ ।

प्राप्त भइसकेको आम्दानी कात्तिकमा बढी भएकाले खुद नोक्सानीमा कमी आएको हो । असोज मसान्तसम्म १ करोड १४ लाख रुपैयाँभन्दा बढी रहेको प्राप्त भइसकेको आम्दानी रकम कात्तिक मसान्तसम्म १ करोड ५४ लाख रुपैयाँभन्दा बढी छ ।

कात्तिक मसान्तसम्म सूचीकृत तथा सूचीकृत नभएको धितोपत्रमा योजनाले गरेको लगानीको परल मूल्य ४३ करोड ५३ लाख रुपैयाँभन्दा बढी छ । योजनाले धितोपत्रमा गरेको लगानीको बजार मूल्य भने परल मूल्यभन्दा कम छ ।

कात्तिक मसान्तसम्म योजनाले धितोपत्रमा गरेको लगानीको बजार मूल्य भने ४२ करोड १७ लाख रुपैयाँभन्दा बढी छ । यस अवधिसम्म योजनाले बैंक मुद्दती निक्षेपमा १२ करोड ५० लाख रुपैयाँ लगानी गरेको छ ।