काठमाडौं । अमेरिकी पूर्व राष्ट्रपति डोनाल्ड ट्रम्पमाथि घातक हमला भएको छ । पेन्सिलभेनियाको बटलरमा आयोजित एक र्यालीमा सहभागी हुने क्रममा ट्रम्पमाथि गोली प्रहार भएको अन्तरराष्ट्रिय सञ्चार माध्यमले जनाएका छन् ।
मिडियाहरूले संप्रेषण गरेका खवरहरू अनुसार मञ्चमा बोल्दै गर्दा गोली चलेको आवाज सुनिएको थियो । ट्रम्पको दाहिने कानमा चोट लागेपछि कानमा हात राखेर निहुरेका थिए । उनको सुरक्षामा खटिएका सुरक्षाकर्मीले तुरुन्तै ट्रम्पलाई कभर गरेपछि उनी सुरक्षित रहेको जनाइएको छ । घाइते ट्रम्पको अवस्था सामान्य रहेको बताइएको छ ।
घटना नेपाली समय अनुसार आइतबार बिहान ४: १५ बजेको हो । अमेरिकामा भने शनिबार साँझ ६:३० बजेको थियो । अमेरिकी राष्ट्रपति जो बाइडेन आफ्नो चुनावी यात्रा बिचमा छाडेर आज वासिङ्टन डिसी फर्कदैछन् । उनले ह्वाइट हाउसमा होमल्याण्ड सेक्युरिटी र कानून प्रवर्तन एजेन्सीको आपतकालीन बैठक बोलाएको जनाइएको छ । एजेन्सी