काठमाडौं । एशियन हाइड्रोपावर लिमिटेडले चौथो वार्षिक साधारण सभा जेठ ३२ गते गर्ने भएको छ ।
सभा द ईन्ट्रान्स क्याफे ललितपुरमा बिहान ११ बजे शुरू हुने कम्पनीले जानकारी गराएको छ । सभाले आर्थिक वर्ष २०७८/७९ को वार्षिक प्रतिवेदनउपर छलफल गरी पारित गर्नुका साथै आव २०७९/८० को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।
सभाले नियमावलीमा रहेका विभिन्न नियममा आवश्यक संशोधन गर्ने विशेष प्रस्ताव पारित गर्नेछ । नियमावली संशोधनमा नियमनकारी निकायबाट निर्देशन भएमा सोहीबमोजिम गर्न गराउन सञ्चालक समितिलाई पूर्ण रूपमा अख्तियारी प्रदान गर्ने विशेष प्रस्ताव पनि सभाले स्वीकृत गर्नेछ ।
त्यस्तै सभाले सर्वसाधारण समूहबाट सञ्चालक समितिमा प्रतिनिधित्व गर्ने एक जना सञ्चालकको निर्वाचन गर्नेछ । साधारण सभा प्रयोजनको लागि कम्पनीले जेठ १९ गते बुक क्लोज गर्ने जानकारी दिएको छ । यसको आधारमा जेठ १८ गतेसम्म कायम शेयरधनीले साधारण सभामा भाग लिन सक्नेछन् ।
