काठमाडौं । ग्लोबल आइएमई म्युचुअल फण्ड अन्तर्गत सञ्चालित ग्लोबल आइएमई ब्यालेनस्ड फण्ड १ ले चैत मसान्तसम्मको खुद सम्पत्ति मूल्य विवरण सार्वजनिक गरेको छ । उक्त वित्तीय विवरण अनुसार फण्डको सूचीकृत शेयरमा लगानी फागुन महीनाको तुलनामा चैत महीनामा बढेको छ । फण्डले फागुन मसान्तसम्ममा रू. ८२ करोड ५४ लाख लगानी गरेकोमा चैत मसान्तमा बढेर रू. ८६ करोड ३९ लाख पुगेको हो । 
त्यस्तै फण्डको न्याभ भने फागुन महीनाको तुलनामा चैत महीनामा केही घटेको छ । फागुन मसान्तसम्ममा फण्डको न्याभ ९ रुपैया ७६ पैसा रहेकोमा चैत मसान्तमा घटेर ९ रुपैया ७४ पैसा कायम भएको हो । त्यस्तै फण्डको नोक्सानी पनि फागुन महीनाको तुलनामा चैत महीनामा बढेको छ । फागुन मसान्तमा फण्डले रू. २ करोड ४९ लाख नोक्सानी ब्यहोरेकोमा चैत मसान्तमा बढेर रू. २ करोड ६६ लाख पुगेको छ । चैत महीनामा फण्डको खर्चमा वृद्धि भएकाले र जम्मा आम्दानी रू. ९० लाख ४६ हजार ऋणात्मक रहेकाले नोक्सानी बढेको हो । 

रिपोर्ट हेर्न यहाँ क्लिक गर्नुहोस