काठमाडौं । ग्लोबल आइएमई क्यापिटल लिमिटेडको व्यवस्थापनमा सञ्चालित ग्लोबल आइएमई ब्यालेन्स्ड फण्ड १ ले प्रतिफल प्रयोजनका लागि असोज २५ गते बुक क्लोज गर्ने भएको छ । फण्डले गत आर्थिक वर्ष ०७९/८० को मुनाफाबाट करसमेत ५ प्रतिशत प्रतिफल वितरण गर्ने प्रस्ताव गरेको छ ।

असोज १५ गते बसेको योजना व्यवस्थापकको सञ्चालक समितिको बैठकले यस वर्ष ५ करोड १२ लाख ८८ हजार १८० रुपैयाँ बराबरको प्रतिफल वितरण गर्ने निर्णय गरेको हो । बुक क्लोजको आधारमा असोज २४ गतेसम्म कायम इकाईधनीहरूले मात्र फण्डको लाभांश प्राप्त गर्नेछन् । २०७९ जेठ ४ गते योजना सञ्चालन अनुमति प्राप्त गरेको यो फण्ड २०८९ साउन १० गते परिपक्क हुनेछ ।

बन्दमुखी प्रकृतिको १० वर्षे अवधिको यस योजनाले १० करोड २५ लाख ७६ हजार ३६० इकाई जारी गरेको थियो । भदौ मसान्तसम्म योजनाको प्रतिइकाई खुद सम्पत्ति मूल्य ९ रुपैयाँ ७६ पैसा छ ।