हेटौंडा। समाजप्रति आफ्नो दायित्व निर्वाह गर्ने उद्देश्यले हेटौंडा ह्विल्सले ह्युन्डाईको ह्यापी मुभसँगको सहकार्यमा हेटौंडास्थित ‘ब्लेस्ड चिल्ड्रेन्स होम’मा रहेका बालबालिकाको शिक्षामा सघाउन पहल शुरू गरेको छ । संस्थागत सामाजिक उत्तरदायित्व (सीएसआर)को पहलअन्तर्गत बालबालिकाको सिकाइ प्रक्रियामा सहयोग पुर्याउन एउटा नयाँ डेस्कटप कम्प्युटर प्रदान गरिएको कम्पनीले बताएको छ ।
यो सहयोगले बालबालिकालाई गुणस्तरीय शैक्षिक स्रोत र प्रविधिसम्म पहुँच प्रदान गर्ने लक्ष्य राखेको छ, जसले उनीहरूको डिजिटल साक्षरतामा सुधार ल्याउन र आधुनिक संसारसँग जोडिन सहयोग पुर्याउने अपेक्षा गरिएको छ । उक्त सहयोग हेटौंडा ह्विल्सले स्थानीय समुदाय र सामाजिक विकासमा योगदान पुर्याउने निरन्तर प्रयासको एक हिस्सा रहेको बताइएको छ ।
