काठमाडौं । जोशी हाइड्रोपावर डेभलपमेन्ट कम्पनी लिमिटेडले आगामी माघ १५ गते दुई आर्थिक वर्षको वार्षिक साधारण सभा बोलाएको छ । कम्पनीले नवौं र दशौं वार्षिक साधारण सभा बोलाएको हो । तर, कम्पनीले लाभांशसम्बन्धी कुनै प्रस्ताव गरेको छैन । यो पटक पनि शेयरधनीको हात खाली हुनेछ । 

सभा काठमाडौंको सुकेधारास्थित सेलिब्रेशन हाइटमा बिहान १० बजेबाट शुरु हुनेछ । सभाले आर्थिक वर्ष २०७९/८० र २०८०/८१ को वार्षिक प्रतिवेदन छलफल गरी पारित गर्नुका साथै चालू आव २०८१/८२ का लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पारित गर्नेछ । 

यस्तै, सभामा कम्पनीको रिक्त महिला १ सहित ३ जना सञ्चालकको निर्वाचन गर्ने एजेन्डा पनि छ । साधारण सभा प्रयोजनार्थ कम्पनीले माघ ३ गते गते बुक क्लोज गर्ने भएको छ । यस बुक क्लोजको आधारमा माघ २ गतेसम्म कायम शेयरधनीले सभामा भाग लिन पाउने छन् ।