काठमाडौं । चालू आर्थिक वर्षको पहिलो त्रैमाससम्म मध्यभोटेकोशी जलविद्युत कम्पनी लिमिटेड १ करोड १६ लाख रुपैयाँभन्दा बढी खुद नोक्सानीमा गएको छ । गत वर्ष यस अवधिसम्म ७३ लाख ६३ हजार रुपैयाँ खुद नोक्सानीमा रहेको कम्पनीको नोक्सानी यस वर्ष भने बढेको हो ।

आयोजना निर्माणकै क्रममा रहेकाले व्यवस्थापकीय खर्च बढ्दा कम्पनीको नोक्सानी बढेको हो । गत वर्ष ९४ लाख ७० हजार रुपैयाँभन्दा बढी व्यवस्थापकीय खर्च गरेको कम्पनीले यस वर्ष १ करोड २४ लाख रुपैयाँभन्दा बढी यो खर्च गरेको हो ।

हाल कम्पनीको चुक्तापूँँजी ६ अर्ब रुपैयाँ छ भने रिटेन्ड अर्निङ भने ४२ करोड ५९ लाख रुपैयाँभन्दा बढी छ ।

कम्पनीको दीर्घकालीन कर्जा १४ अर्ब ३२ करोड ८५ लाख रुपैयाँभन्दा बढी छ । वार्षिक ७८ पैसा प्रतिशेयर नोक्सानीमा रहेको कम्पनीको प्रतिशेयर नेटवर्थ ९२ रुपैयाँ ९० पैसा छ ।