काठमाडौं । नेपाल स्टक एक्सचेन्ज (नेप्से) ले ४१औं वार्षिक साधारण सभा पुस २९ गते गर्ने भएको छ । सभा नेपाल स्टक एक्सचेन्ज लिमिटेड युएनआई शान्तिमार्ग, काठमाडौंमा बिहान ११ बजे गर्ने जानकारी दिइएको छ । 

सभाले सञ्चालक समितिले प्रस्ताव गरेको हाल कायम चुक्तापूँजीको १०० प्रतिशतका दरले हुन आउने रू. १ अर्ब बराबरको नगद लाभांश (करसहित) वितरण गर्ने प्रस्ताव पारित गर्नेछ । 
त्यसैगरी सभाले आर्थिक वर्ष २०७८/७९ को वार्षिक प्रतिवेदनउपर छलफल गरी पारित गर्ने, आव २०७९/८० को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ । 

त्यसैगरी सभाले नेप्सेको सहायक कम्पनी सिडिएस एण्ड क्लियरिङ को वित्तीय विवरणसहितको एकीकृत वित्तीय विवरण पनि स्वीकृत गर्नेछ ।