काठमाडौं । नेपाल धितोपत्र बोर्डका अध्यक्ष सन्तोष नारायण श्रेष्ठ र नेपाल स्टक एक्सचेञ्ज (नेप्से) का नव नियुक्त प्रमुख कार्यकारी अधिकृत (सीईओ) चूडामणी चापागाइँबीच भेटवार्ता भएको छ । बुधवार पदभार ग्रहण गरेका नेप्सेका सीईओ चापागाइँले बिहीवार बोर्ड अध्यक्ष श्रेष्ठलाई भेटी पूँजीबजारको विकास र विस्तारका विषयमा छलफल गरेका हुन । भेटका क्रममा बोर्डका अध्यक्ष श्रेष्ठले नवनियुक्त नेप्सेका सीईओ चापागाइँलाई बधाई दिदैं कार्यकाल सफलताको शुभकामना समेत व्यक्त गरेका छन् । 

नियामक निकाय र बजार सञ्चालकका प्रमुखबीचको भेटवार्ताले आगामी दिनमा पूँजीबजारको विकास र विस्तारका लागि आवश्यक नीति तर्जुमा गर्दा समन्वयकारी भूमिका निर्वाह हुने अपेक्षा गरिएको छ । यसअघिको अवस्थामा नेपाल धितोपत्र बोर्ड र नेपाल स्टक एक्सचेञ्जबीच एक प्रकारको प्रतिस्पर्धी अवस्था रहेको अनुमान जानकारहरुले लगाएका थिए ।