काठमाडौं । उद्योगपति तथा प्रतिनिधि सभामा नेपाली काँग्रेसका सांसद विनोद चौधरीको सम्पति सन् २०२५ मा २ अर्ब डलर (२ खर्व ७४ अर्ब रुपैयाँ भन्दा वढी) पुगेको छ ।
वार्षिक रुपमा विश्वका धनीहरुको सुची निकाल्दै आएको फोब्र्स पत्रिकाको अनलाईन संस्करणका अनुसार उनको सम्पति सन् २०२४ को तुलनामा सन् २०२५ मा २० करोड डलर अर्थात २७ अर्ब ४१ करोड रुपैयाँ) ले वढेर २ खर्व डलर पुगेको हो ।
सन् २०२० र २०२१ मा १ अर्ब ४० करोड डलर सम्पति रहेको चौधरीको सम्पति त्यसपछि प्रत्यक वर्ष वढेको फोब्र्सले जनाएको छ । विश्वका अर्बपतिको सुचीमा उनी १ हजार ७६३ औं नम्वरमा छन् ।
६९ वर्षका चौधरी सिजी कर्प ग्लोवलका मालिक हुन् । नेपालमा उनको प्रख्यात चाउचाउ वाईवाई उत्पादक सिजी फुड्स चौधरी ग्रुप अन्तरगतको कम्पनी हो भने नबिल बैकमा पनि नियन्त्रितात्मक स्वामित्व रहेको छ । भारत, सर्विया र बंगलादेशमा पनि यस व्यवसायिक समूहेको काराखानाहरु छन् । इजिप्टमा पनि वाईवाईको कारखानाको निर्माण भईरहेको छ भने कम्पनीले ससेजहरु पनि उत्पादन गर्न लागेको फोब्र्सले उल्लेख गरेको छ ।
सिजीले १४३ वटा होटलमा स्वामित्व तथा व्यवास्थापन रहेको छ जस अन्तरगत भारतको ताज होटल चेनसँगको सहकार्यमा लग्जरी होटलहरुमा लगानी पनि पर्दछ ।
कुन वर्षमा कति सम्पति
वर्ष (सन्) सम्पति (अर्ब डलर)
२०२० १.४ अर्ब
२०२१ १.४ अर्ब
२०२२ १.५ अर्ब
२०२३ १.८ अर्ब
२०२४ १.८ अर्ब
२०२५ २.० अर्ब
स्रोतः फोर्ब्स म्यागेजिन
इलन मस्क सबैभन्दा धनी
अमेरिकी राष्ट्रपति डोनाल्ड ट्रम्पको प्रशासनमा डिपार्टमेन्ट अफ गभर्मेन्ट इफिसियन्सीको प्रमुख भएर अमेरिकी प्रशासन संयन्त्रमा खलबली मच्चाइरहेका इलन मस्क संसारकै सबैभन्दा धनी व्यक्ति ठहरिएका छन् । वार्षिक रूपमा विश्वका धनीहरूको सूची निकाल्दै आएको फोब्र्स पत्रिकाको अनलाइन संस्करणका अनुसार सन् २०२५ मा उनको अनुमानित सम्पत्ति ३ खर्ब ४२ अर्ब डलर बराबरको छ जसले उनलाई विश्वकै सबैभन्दा धनी व्यक्ति बनाएको छ ।
विगत १ वर्षमा उनले १ खर्ब ४७ अर्ब डलर सम्पत्ति थपेका छन् । यसको मुख्य कारण भनेको उनको रकेट कम्पनी स्पेस एक्स र उनको आर्टिफिसियल इन्टिलेजेन्स कम्पनी एक्सएआईको शेयर मूल्य उच्च वृद्धि हुनु हो । ट्रम्प प्रशासनमा आबद्ध भएयता उनको विद्युतीय गाडी उत्पादक कम्पनी टेस्लाको शेयरको भाउ घटे पनि यसको मूल्य गतवर्षको दाँजोमा उच्च नै रहेको छ । २ खर्ब १६ अर्ब डलरको सम्पत्तिसहित दोस्रोमा मेटाका मार्क जुकरबर्ग रहेका छन् भने २ खर्ब १५ अर्बको सम्पत्तिसहित अमेजनका जेफ बेजोस तेस्रो नम्बरमा आएका छन् ।
