काठमाडौं । महालक्ष्मी विकास बैंक लिमिटेडले यस वर्षको ३ प्रतिशत बोनस शेयर वितरण गरेको छ । गत पुस २९ गते सम्पन्न कम्पनीको २३औं वार्षिक साधारण सभाले ३ प्रतिशत बोनस शेयर वितरणको प्रस्ताव पारित गरेको थियो । चैत १४ गते धितोपत्र दोस्रो बजारमा सूचीकृत भएको बोनस शेयर कम्पनीले सोही दिनदेखि सम्बन्धित शेयरधनीहरूको हितग्राही खातामा जम्मा गर्न शुरू गरेको हो ।

कम्पनीले यस वर्ष ३ प्रतिशत बोनस शेयरसँगै कर प्रयोजन समेतका लागि ४ प्रतिशत नगद लाभांश समेत यस अघि वितरण गरिसकेको छ । पुस १६ गते साधारण सभा प्रयोजनका लागि बुक क्लोज गरिएकोले त्यसको अघिल्लो कारोबार दिन सार्वजनिक बिदा परेको अवस्थामा पुस १४ गतेसम्म कायम शेयरधनीहरूले मात्र कम्पनीको लाभांश प्राप्त गरेका छन् ।