काठमाडौं। अनलाइन किनमेल प्लेटफर्म दराज नेपालले ‘४.४ नव वर्ष उत्सव’को घोषणा गरेको छ । यो अफरमा ७० प्रतिशतसम्म छूटसहितको फ्ल्याश सेल र रू. १ करोड बराबरको भौचर तथा नि:शुल्क डेलिभरी सुविधा उपलब्ध गराउने बताइएको छ । ४.४ सेल अप्रिल ४ देखि शुरू भई अप्रिल १३ सम्म सञ्चालन हुने कम्पनीले जानकारी दिएको छ ।
उत्सव अवधिभर ग्राहकले हरेक दिन फ्ल्याश सेलमार्फत विभिन्न क्याटेगरी तथा ब्रान्डका उत्पादन ७० प्रतिशतसम्मको छूटमा पाउने बताइएको छ । ४.४ सेल अवधिभर डिजिटल पूर्वभुक्तानीमा रू. ७५० सम्मको छूट पाइने बताइएको छ । यसका लागि दराजले नबिल बैंक, हिमालयन बैंक, स्ट्यान्डर्ड चार्टर्ड बैंक नेपाल, सिटिजन्स बैंक, नेपाल बैंक, नेपाल एसबिआई बैंक, ज्योति विकास बैंक, महालक्ष्मी विकास बैंक तथा गरिमा विकास बैंक गरी नौ ओटा बैंकसँग सहकार्य गरेको छ । किनमेलका लागि यी बैंकको क्रेडिट कार्ड प्रयोग गर्ने ग्राहकले अधिकतम १५ प्रतिशत (रू. ७५० सम्म) छूट पनि प्राप्त गर्न सक्नेछन् । त्यसैगरी, डेबिट कार्ड प्रयोग गर्ने ग्राहकले १० प्रतिशत (रू. ५०० सम्म) छूट प्राप्त गर्न सक्नेछन् ।
यसैगरी दराजले रू. ४४, ४४४ र ४,४४४ तथा रू. ९९, ३९९, ९९९ र १,९९९ को छूट श्रेणीमा पनि विभिन्न सामान खरीद गर्न सकिने बताइएको छ । अफर अवधिभर कम्तीमा रू. ५ हजार बराबरको किनमेल गर्ने एक ग्राहकले रू. २९ हजार ९९९ बराबरको वानप्लस नर्ड सीईएस लाइट जित्नेछन् । त्यस्तै चारजना ग्राहकले रू. १० हजार ३०० बराबरको यासुदा पर्सनल एयर कुलर र ‘एड टु कार्ट एण्ड विन’ योजनाअन्तर्गत तीन जनाले रू. ५ हजार बराबरको गिफ्ट ह्याम्पर जित्नेछन् । अफरमा एकजनाले रू. १२ हजार बराबरको ग्लेन एयर फ्रायर प्राप्त गर्नेछन् ।
