काठमाडौं । सौर्य एयरलाइन्सको विमान दुर्घटनामा ज्यान गुमाउने १८ जनाको सनाखत भएको छ । 

सौर्य एयरलाइन्सका अनुसार दुर्घटनामा परी जहाजका कोपाइलट सुशान्त कटुवालसहित यात्रुहरू अमित मान महर्जन, सागर आचार्य, दिलिप बर्मा, मनुराज शर्मा, आश्विन निरौला, सुदीपलाल जोशी र सर्बेस मरासिनीको मृत्यु भएको छ । यस्तै, श्याम विन्दुकार, नवराज आले, राजाराम आचार्य, प्रिजा खतिवडा, अधिराज शर्मा, उद्धव पुरी, यज्ञप्रसाद पौडेल, सन्तोष महतो, पुण्यरत्न शाही र आरिफ रेडाले दुर्घटनामा ज्यान गुमाएका छन् । 

जहाजका पाइलट मनिषरत्न शाक्यको भने जिवितै उद्धार गरी उपचारका लागि अस्पताल लगिएको छ । 

बुधवार काठमाडौंको त्रिभुवन अन्तरराष्ट्रिय विमानस्थलबाट पोखराका लागि उड्ने क्रममा जहाज दुर्घटना भएको थियो । जहाजमा चालकसहित १९ यात्रु सवार रहेको बताइएको छ ।