काठमाडौं। सेन्ट्रल फाईनान्स लिमिटेड चावहिल शाखाले काठमाडौं महानगरपालिका–६, रामहिटीस्थित बालकुमारी माध्यमिक विद्यालयका विद्यार्थीलाई पोसाक तथा शैक्षिक सामग्री वितरण गरेको छ । चावहिल शाखा प्रमुख सरिता श्रेष्ठ र विद्यालयका प्रधानाध्यापक इन्द्रबहादुर राइले संयुक्त रूपमा विद्यार्थीलाई सहयोग सामग्री वितरण गरेका थिए ।

आर्थिक अवस्था कमजोर भएका विद्यार्थीलाई सहयोग गर्ने हेतुले संस्थाले ११ जना विद्यार्थीलाई पोसाक तथा सात जना विद्यार्थीलाई ट्र्याक सुट र शैक्षिक सामग्री वितरण गरेको शाखा प्रमुख श्रेष्ठले बताइन् । कार्यक्रममा संस्थाका कर्मचारी, विद्यालयका शिक्षक, शिक्षिका तथा विद्यार्थीको सहभागिता थियो । संस्थाले सेन्ट्रल स्मार्ट मोबाइल बैंकिङ एप, एटीएम डेबिट कार्ड, चेक क्लियरिङ, आईपीएस, कनेक्ट आईपीएस, कर्पोरेट पे, आरटीजीएस, मर्चेण्ट क्यूआर, क्यूआर पेमेन्ट, क्यूआर टेलर, रेमिट्यान्स सेवा, सी–आस्बा जस्ता आधुनिक बैंकिङ सेवा प्रदान गर्दै आएको बताइएको छ ।