काठमाडौं । श्रृजनशील लघुवित्त वित्तीय संस्था लिमिटेडले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।
विवरणअनुसार कम्पनीले चालू आवको तेस्रो त्रैमाससम्म रू. ५७ लाख ९९ हजार नाफा कमाएको छ । यो नाफा गत आवको तेस्रो त्रैमासको तुलनामा भने ८५ दशलमव ६९ प्रतिशत घटेको हो । गत आवमा कम्पनीले रू. ४ करोड ५ लाख नाफा कमाएको थियो ।
चालू आवमा कम्पनीको खुद ब्याज आम्दानी र सञ्चालन नाफा घटेकाले नाफामा असर परेको हो । गत आवको तुलनामा चालू आवमा कम्पनीको खुद ब्याज आम्दानी ४४ दशमलव ७६ प्रतिशत र सञ्चालन नाफा ८५ दशमलव ६९ प्रतिशत घटेको छ ।
कम्पनीको चुक्ता पूँजी रू. १० करोड ९३ लाख रहेको छ । कम्पनीले जगेडामा रू. १० करोड ४४ लाख र रिटेन्ड अर्निङमा रू. ३ करोड ८५ लाख सञ्चित गरेको हो । नाफा घटेसँगै कम्पनीको प्रतिशेयर आम्दानी पनि घटेको छ ।
गत आवमा कम्पनीको प्रतिशेयर आम्दानी ७७ रुपैयाँ १७ पैसा रहेकोमा चालू आवमा ७ रुपैयाँ ७ पैसामा झरेको हो । त्यस्तै कम्पनीको निष्क्रिय कर्जा पनि गत आवमा २ दशमलव १८ प्रतिशत रहेकोमा चालू आवमा ४ दशमलव शून्य ४ प्रतिशत पुगेको छ । त्यस्तै कम्पनीको प्रतिशेयर नेटवर्थ रू. २३० दशमलव ८२ र तरलता अनुपात १८ दशमलव शून्य ५ प्रतिशत रहेको छ ।
