काठमाडौं। समृद्धि फाइनान्सले शुक्रवार पोखरामा ‘श्रमजीवी महिला काष्ठ हस्तकला उद्योग’का २७ महिला कामदारसँग ‘वित्तीय साक्षरता तथा तीज विशेष कार्यक्रम’ सम्पन्न गरेको छ । संस्थाले सामुदायिक विकास तथा सचेतना नेपालको सहकार्यमा उक्त कार्यक्रम सम्पन्न गरेको हो ।

उक्त कार्यक्रममा श्रमजीवी महिला काष्ठ हस्तकला उद्योगका महिला सदस्यलाई बैंक तथा वित्तीय संस्था सम्बन्धी ज्ञान, बचतको फाइदा र संस्थाको महिला लक्षित योजनाका बारेमा प्रस्तुति दिइएको थियो । साथै महिलाहरूलाई शृंगारका सामग्री वितरण गरी दर खाने कार्यक्रम गरिएको थियो । संस्थाले भदौ महीनामा महिला विशेष अभियान चलाइरहेको जानकारी दिएको छ । यस महीनामा संस्थामा समृद्धि गृहलक्ष्मी बचत खाता खोली उच्च ब्याजदरको प्रतिफलका साथै नि:शुल्क डिजिटल बैंकिङको फाइदा लिन सकिने बताइएको छ ।