काठमाडौं । मंगलवार नेपाली बजारमा सुनको मूल्य अघिल्लो दिनको तुलनामा प्रतितोला ५०० रूपैयाँले घटेको छ । नेपाल सुनचाँदी व्यवसायी महासंघका अनुसार सोमबार प्रतितोला १ लाख ६० हजार ५०० रूपैयाँमा कारोबार भएको सुनको मूल्य आजकालागि प्रतितोला १ लाख ६० हजार रूपैयाँ कायम भएको छ ।

त्यस्तै आज चाँदीको मूल्य प्रतितोला १५ रूपैयाँले घटेर १ हजार ९२५ रूपैयाँ कायम भएको छ । सोमबार नेपाली बजारमा चाँदीको मूल्य १ हजार ९४० रूपैयाँमा कारोबार भएको थियो ।

अन्तर्राष्ट्रिय बजारमा आज सुनको भाउ प्रतिऔंस २ हजार ६४३ दशमलव ४५ अमेरिकी डलरमा कारोबार भइरहेको छ ।