काठमाडौं । विजय लघुवित्त वित्तीय संस्था लिमिटेडले दोस्रो वर्ष पनि लगानीकर्ताको हात खाली बनाउने भएको छ ।

गत वर्ष पन लाभांश वितरण नगरेको कम्पनीले यस वर्ष पनि लाभांश वितरण नगर्ने निर्णय गरेको हो ।

पुस ४ गते विहान बसेको कम्पनीको सञ्चालक समितिको बैठकले गत आर्थिक वर्ष ०८०/८१ को वार्षिक प्रतिवेदन सहितका वित्तीय विवरणहरु आगामी वार्षिक साधारण सभाबाट पारित गराउन नेपाल राष्ट्र बैंकसँग अनुमति लिने र कुनै पनि लाभांश वितरण नगर्ने निर्णय गरेको हो ।

पछिल्लो वर्ष यस अघि आर्थिक वर्ष ०७८/७९ मा कम्पनीले २० प्रतिशत बोनस शेयर र कर प्रयोजनका लागि १ दशमलव शून्य ५३ प्रतिशत नगद लाभांश वितरण गरेको थियो । हाल कम्पनीको चुक्तापूँजी ७४ करोड ५० लाख ४० हजार रुपैयाँ छ । चालू आर्थिक वर्षको पहिलो त्रैमाससम्म कम्पनीको जगेडा कोषमा ४४ करोड २७ लाख रुपैयाँभन्दा बढी रकम कायम छ ।

सो अवधिसम्म कम्पनीको वितरणयोग्य नाफा भने २ करोड ३१ लाख रुपैयाँभन्दा बढी ऋणात्मक रहेको छ ।