काठमाडौं । काठमाडौंबाट रसुवाको स्याप्रुवेशीका लागि उडेको एयर डाइनेष्टीको हेलिकप्टर नुवाकोटको शिवपुरीमा दुर्घटनाग्रस्त अवस्थामा भेटिएको छ ।
नेपाल नागरिक उड्डयन प्राधिकरणले जारी गरेको प्रेस विज्ञप्तिअनुसार एयर डाइनेष्टीको नाइन एन–एजेडी कलसाइनको हेलिकप्टर शिवपुरी गाउँपालिकाको वडा नं ७ सूर्याचौरमा दुर्घटनाग्रस्त अवस्थामा फेला परेको हो ।
नुवाकोटका प्रमुख जिल्ला अधिकारी रामकृष्ण अधिकारीका अनुसार दुर्घटनास्थलमा आगो लागेको छ । सो क्षेत्रमा हाल उद्धार भइरहेको उनले जानकारी दिए । उनका अनुसार हेलिकप्टरमा चालकबाहेक ४ जना चिनियाँ नागरिक सवार थिए । उक्त हेलिकप्टर पाइलट अरुण मल्लले उडाएका थिए ।
दुर्घटनामा परेको हेलिकप्टरको विवरण
