काठमाडौं । ‘आयल्स टेस्ट’को शुल्क भुक्तानीमा रू. १ हजार छूट सुविधा ल्याएको डिजिटल वालेट आइएमई पेले सो सुविधालाई अझ परिस्कृत गर्दै आयल्स टेस्ट शुल्कमा फ्ल्याट रू. २ हजार क्यासब्याक प्रदान गर्ने योजना सार्वजनिक गरेको छ । सेवाग्राहीले यो क्यासब्याक सुविधा पुस ५ गतेसम्म प्राप्त गर्न सक्नेछन् भने पहिले सार्वजनिक भएको अफरअनुसार रू. १ हजार छूट सुविधा निरन्तर चलिरहने बताइएको छ ।
यो नयाँ सेवामार्फत प्रयोगकर्ताले समय र मेहनत बचाइ आइएमई पे एपमार्फत आफ्नो आयल्स परीक्षा शुल्क सहजै तिर्न सक्नेछन् । प्रयोगकर्ताले आयल्सको एकेडेमिक टेस्ट र जेनेरल ट्रेनिङ टेस्ट, आयल्स यूकेभीआईको एकेडेमिक टेस्ट र जेनेरल ट्रेनिङ टेस्ट, लाइफ स्किल्स एवान/एटु, बिवानको निम्ति भुक्तानी गर्न सक्ने बताइएको छ । आइएमई पे एपबाट आयल्स टेस्टको मिति बुक गर्न र शुल्क भुक्तानी गर्न प्रयोगकर्ताले एपको होमपेजमा ‘ह्वाट्स न्यु’ भागमा ‘आयल्स टेस्ट बुकिङ’मा गई सोधिएको विवरण भर्नुपर्ने बताइएको छ ।