काठमाडौं । फागुन महीनामा धितोपत्र दोस्रो बजारमा १८ करोड ५२ लाख ५६ हजार २४३ दशमलव ९७ कित्ता धितोपत्र थपिएको छ । नेपाल स्टक एक्सचेञ्ज (नेप्से)ले दिएको जानकारी अनुसार गरिमा समृद्धि योजनाको १२ लाख ५० हजार इकाई समेत उक्त संख्यामा धितोपत्र दोस्रो बजारमा थपिएको हो ।

बन्दमुखी प्रकृतिका सामूहिक लगानीकोषका योजनाको इकाई भने दोस्रो बजारमा कारोबार गर्न मिल्ने गरी सूचीकृत हुने व्यवस्था रहेको छ । सोही व्यवस्था बमोजिम गरिमा समृद्धि योजनाको इकाई फागुन १ गते दोस्रो बजारमा सूचीकृत भएको हो ।

यसका अलावा फागुनमा आइसिएफसि फाइनान्सको ९ प्रतिशत ब्याजदर रहेको ३ लाख कित्ता ऋणपत्र पनि सूचीकृत भएको छ । स्थानीयतर्फको साञ्जेन जलविद्युत कम्पनीको ३६ लाख ५० हजार कित्ता शेयरसँगै फागुनमा १० कम्पनीको बोनस शेयर समेत सूचीकृत भएको नेप्सेको तथ्याङ्कले देखाउँछ । नेप्सेका अुनसार छिमेक लघुवित्तको ८ प्रतिशत, ग्लोबल आइएमई बैंकको ५ दशमलव ५ प्रतिशत, फष्र्ट माइक्रोफाइनान्सको ९ प्रतिशत, कृषि विकास बैंकको ३ प्रतिशत, शिवम् सिमेन्टको ८ दशमलव ५५ प्रतिशत, हिमालयन डिष्टिलरीको १५ प्रतिशत, डिप्रोक्स लघुवित्तको ९ दशमलव ५ प्रतिशत, सानिमामाई हाइड्रोको १० प्रतिशत, नेपाल ल्युव आयलको २० प्रतिशत र स्ट्याण्डर्ड चाटर्डको ६ दशमलव ५ प्रतिशत बोनस शेयर फागुनमा दोस्रो बजारमा सूचीकृत भएको हो ।

त्यस्तै लिवर्टी इनर्जीको ५० प्रतिशत र एनएलजी इन्स्योरेन्सको ६२ दशमलव ५६ प्रतिशत हकप्रद शेयर समेत फागुनमै दोस्रो बजारमा कारोबारयोग्य भइसकेको छ । सूचीकृत भएको भोलिपल्टदेखि कारोबार हुने यी शेयर सम्बन्धित शेयरधनीहरूको हित्ग्राही खातामा समेत जम्मा गरिसकिएको जानकारी कम्पनीहरूले दिएका छन् ।

पछिल्लो समय धितोपत्र कारोबारका लागि हितग्राही खाता अनिवार्य भएसँगै बोनस शेयरहरू हितग्राही खातामा नै जम्मा हुने गरेको छ । यसर्थ हालसम्म पनि हितग्राही खाता नखोलेका शेयरधनीहरूले समयमै हितग्राही खाता खोली आफ्नो शेयर प्राप्त गर्न समेत कम्पनीहरूले आग्रह गर्दै आएका छन् ।

कम्पनीको नाम	सूचीकृत कित्ता	धितोपत्रको किसिम	प्रतिशत
गरिमा समृद्धि योजना	12,50,00,000	इकाई
साञ्जेन जलविद्युत	3,650,000	स्थानीय तर्फको शेयर
९ प्रतिशत आइसिएफसि डिबेञ्चर	3,00,000	ऋणपत्र
छिमेक लघुवित्त	2,381,737.68	बोनस शेयर	8
ग्लोबल आइएमई बैंक	19,870,823.63	बोनस शेयर	5.5
फष्र्ट माइक्रोफाइनान्स	1,110,444.21	बोनस शेयर	9
कृषि विकास बैंक	4,035,502.22	बोनस शेयर	3
शिवम् सिमेन्ट	4,298,085	बोनस शेयर	8.55
हिमालयन डिष्टिलरी	4,008,784.97	बोनस शेयर	15
डिप्रोक्स लघुवित्त	1,620,887.13	बोनस शेयर	9.5
सानिमामाई हाइड्रोपावर	3,398,176.10	बोनस शेयर	10
नेपाल ल्युव आयल	121,437.80	बोनस शेयर	20
स्ट्याण्डर्ड चार्टर्ड बैंक	6,129,145	बोनस शेयर	6.5
लिवर्टी ईनर्जी	75,00,000	हकप्रद शेयर	50%
एनएलजी इन्स्योरेन्स	9,631,220.22	हकप्रद शेयर	62.56%
जम्मा	185,256,243.97

स्रोत : नेपाल स्टक एक्सचेञ्ज (नेप्से) ।