काठमाडौं । बुटवल पावर कम्पनी लिमिटेडले पुस २९ गते ३१औं वार्षिक साधारण सभा बोलाएको छ ।
कार्की ब्याङ्क्वेट, बबरमहल, काठमाडौंमा उक्त दिन बिहान ११ बजे सभा सभा गर्ने निर्णय कम्पनीले गरेको हो । सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरण पारित गर्नुृका साथै प्रस्तावित लाभांशलाई पनि अन्तिम स्वीकृति दिनेछ । यस वर्ष कम्पनीले ५ प्रतिशत नगद लाभांश वितरण गर्ने प्रस्ताव गरेको छ ।
साथै प्रतिशेयर १०० रुपैयाँमा १ करोड कित्ता प्रिमियम मूल्यमा एफपीओ निष्कासन गर्ने प्रस्ताव पनि सभाका लागि तय भएको छ । सञ्चालक समितिमा सञ्चालकहरूको संख्या ७ कायम गर्ने गरी नियमावली संशोधन पनि सभाले गर्नेछ । साधारण सभा प्रयोजनका लागि कम्पनीले पुस १९ गते बुक क्लोज गर्ने भएको छ ।
बुक क्लोजको आधारमा पुस १८ गतेसम्म कायम शेयरधनीहरूले मात्र लाभांश प्राप्त गर्न र सभामा भाग लिन सक्नेछन् ।
