काठमाडौं । एनएमबि म्युचुअल फण्डअन्तर्गत सञ्चालित एनएमबि फिप्टीले माघ मसान्तको खुद सम्पत्ति मूल्य विवरण सार्वजनिक गरेको छ ।

उक्त वित्तीय विवरणअनुसार फण्डले माघ मसान्तमा रू. १४ करोड ९७ लाख नाफा कमाएको छ । यो नाफा पुस मसान्तमा रू. १२ करोड १२ लाख थियो । माघ महीनामा फण्डको आम्दानीमा वृद्धि भएकाले नाफा बढ्न टेवा पुगेको हो । पुस मसान्तमा फण्डको कुल आम्दानी रू. १३ करोड ५४ लाख रहेकोमा माघ मसान्तमा बढेर रू. १६ करोड ६३ लाख पुगेको छ । 

नाफासँगै फण्डको प्रतिइकाई खुद सम्पत्ति मूल्य (न्याभ) पनि वृद्धि भएको छ । पुस मसान्तमा फण्डको न्याभ ११ रुपैयाँ १८ पैसा रहेकोमा माघ मसान्तमा बढेर ११ रुपैयाँ ४१ पैसा पुगेको छ । 

 फण्डले सूचीकृत शेयरमा लगानी बढाएको छ । पुस मसान्तमा फण्डले सूचीकृत शेयरमा रू. १ अर्ब ८ करोड लगानी गरेकोमा माघ मसान्तमा बढाएर रू. १ अर्ब ११ करोडभन्दा बढी पुर्‍याएको छ ।