साउन २६, काठमाडौं । एनएमबि म्युचुअल फण्ड अन्तर्गत सञ्चालित एनएमबि सुलभ इन्भेष्टमेण्ट फण्ड २ ले इकाई विक्री खुला गरेको छ ।

फण्डले  कुल १२ करोड इकाई निष्कासन गर्न लागेको हो । जसमध्ये १ करोड ६८ लाख इकाई वा कुल बिक्री भएको इकाईको १४ प्रतिशत कोष प्रवर्द्धक एनएमबि बैंक तथा १२ लाख इकाई योजना व्यवस्थापक एनएमबि क्यापिटललाई सुरक्षित गरिएको छ भने बाँकी  रहेको १० करोड २० लाख इकाई सर्वसाधारणका लागि विक्री खुला गर्न लागिएको हो । 

यस इकाईमा आवेदकले साउन ३१ गतेसम्म आवेदन दिन सक्नेछन् । उक्त समयमा माग बमोजिम नभएमा भदौ ९ गतेसम्म समय थप हुनेछ । 

आवेदकले प्रतिइकाई १० रुपैयाँको दरले न्यूनतम १०० इकाईदेखि अधिकतम १ करोड २० लाख इकाईसम्म आवेदन दिन पाउने व्यवस्था रहेको छ । 

धितोपत्र निष्कासन तथा विक्री प्रबन्धक एनएमबि क्यापिटल लिमिटेड रहेको छ । लगानीकर्ताले मेरो शेयर एप र वेबसाइट मार्फत आवेदन दिन सकिनेछ । 
यसका साथै  नेपाल धितोपत्र बोर्डबाट स्वीकृति प्राप्त गरेका सम्पूर्ण सी–आस्वा सदस्य बैंक तथा वित्तीय संस्थाहरू र तिनका तोकिएका शाखा कार्यालयहरुबाट आवेदन दिन सकिनेछ।