काठमाडौं। ग्लोबल आइएमई बैंक लिमिटेडका कार्डवाहक ग्राहकले सेल्सबेरी स्टोरमा १० प्रतिशतसम्म क्यासब्याक पाउने भएका छन् । यससम्बन्धी समझदारी पत्रमा बैंकका ट्रान्जेशन बैंकिङ विभागका सेल्स एण्ड बिजनेस प्रमुख प्रकाश पौडेल र सेल्सबेरीका प्रमुख कार्यकारी अधिकृत शुशिलमान प्रधानांगले हस्ताक्षर गरेका छन् ।

यस समझदारी अनुसार बैंकका डेबिट तथा क्रेडिट कार्डवाहक ग्राहकले सेल्सबेरीका ३७ ओटै स्टोरमा पोइन्ट अफ सेल (पोस) मेशिनमार्फत गरिने कारोबारमा प्रत्येक हप्ताको शुक्रवार १० प्रतिशत वा अधिकतम रू. २०० सम्मको क्यासब्याक पाउनेछन् । ग्लोबल आइएमई बैंक ग्लोबल फाइनान्सको बेष्ट बैंक अवार्ड २०२४ तथा युरो मनी अवार्ड फर एक्सलेन्स २०२४ अन्तर्गतका दुई विधाबाट नेपालको सर्वश्रेष्ठ बैंकको रूपमा सम्मानित बैंक होे । साथै बैंक विभिन्न राष्ट्रिय तथा अन्तरराष्ट्रिय संघसंस्थाबाट फरकफरक विधामा सम्मानित भएको छ ।