काठमाडौं । सिटिजन्स बैंक इन्टरनेसनल लिमिटेडले एच.आई.भी. संक्रमित बालबालिकाको लालनपालन, स्वास्थ्य र शिक्षा प्रदान गर्ने बेबी लाईफ होमलाई रु. २ लाखको आर्थिक सहयोग गरेको छ । यो सहयोग बैंकको १८औं वार्षिकोत्सव (बैशाख ७ गते) को अवसरमा गरिएको जनाएको छ।
बैंकले गत १८ वर्ष देखि सामाजिक उत्तरदायित्व अन्तर्गत विभिन्न संस्थालाई सहयोग पुर्याउँदै आएको छ । यसै क्रममा बेबी लाईफ होममा रहेका २७ जना एच.आई.भी. पोजिटिभ बालबालिकाको खानपान, शिक्षा र स्वास्थ्य खर्चका लागि उक्त रकम हस्तान्तरण गरिएको हो । संस्थाका संचालक राज कुमार पुनले यो रकमले संचालनमा सहजता ल्याउने बताए।
बैंकले प्रत्येक वर्ष आफ्नो वार्षिकोत्सवमा सामाजिक रूपान्तरणका संस्थालाई सहयोग गर्ने गर्छ। आगामी दिनमा पनि सामाजिक, आर्थिक, सांस्कृतिक क्षेत्रमा कार्यक्रम थप्ने योजना छ।
यसैबीच, बैंकले "बैंक अफ द ईयर २०२४" को उपाधि हासिल गरेसँगै फोनपे सँगको साझेदारीमा नेपालमै पहिलो पटक "सिटिजन्स फोनपे क्रेडिट कार्ड" (भर्चुअल क्रेडिट कार्ड) सञ्चालन गरेको छ। साथै, मोबाइल बैंकिङ एपबाट शेयर आवेदन र सीआरएन नम्बर सेवा पनि शुरू गरिएको छ।
६१ जिल्लामा २०० शाखा, १६८ एटिएम र १८.५ लाख ग्राहकसँगै सिटिजन्स बैंकले अग्रणी सेवा प्रदान गर्दै आएको छ।
