काठमाडौं । सिटिजन्स म्युचुअल फण्डअन्तर्गत सञ्चालित सिटिजन्स सुपर ३० म्युचुअल फण्डले मङ्सिरमा १ करोड ३० लाख रुपैयाँभन्दा बढी नाफा गरेको छ ।

कात्तिकमा १ करोड ४० लाख रुपैयाँभन्दा बढी नोक्सानीमा रहेको योजना मङ्सिरमा भने नाफामा गएको हो । कात्तिकमा ८९ लाख ६२ हजारभन्दा बढी ऋणात्मक अवस्थामा रहेको आम्दानी मङ्सिरमा भने १ करोड ९२ लाख रुपैयाँभन्दा बढी भएको छ । खर्च भने कात्तिकमा ५० लाख ७७ हजार रुपैयाँभन्दा बढी भएकोमा मङ्सिरमा ६२ लाख ५५ हजार रुपैयाँभन्दा बढी भएको हो ।

१० वर्षे अवधिको बन्दमुखी प्रकृतिको यस योजनाको प्रतिइकाई खुद सम्पत्ति मूल्य मङ्सिर मसान्तसम्म १० रुपैयाँ ४० पैसा रहेको छ । यो मूल्य कात्तिक मसान्तसम्म १० रुपैयाँ ४ पैसा छ ।

मङ्सिर मसान्तसम्म योजनाले धितोपत्रमा गरेको लगानीको परल मूल्य ३७ करोड ६२ लाख ८९ हजार रुपैयाँ रहेको छ । यस अवधिसम्म योजनाको धितोपत्रमा भएको लगानीको बजार मूल्य ३७ करोड ६ लाख रुपैयाँभन्दा बढी छ ।

योजनाको धितोपत्रमा भएको लगानीको बजार मूल्य परल मूल्यभन्दा कम छ । बैंक मुद्दती निक्षेपमा योजनाले ७ करोड रुपैयाँ लगानी गरेको छ ।

सूचना हेर्न यहाँ क्लिक गर्नुहाेस्

Citizen Bank International Ltd. (CZBIL)

Citizen Bank International Ltd. (CZBIL)