काठमाडौं। नेपाल–इटाली वाणिज्य तथा उद्योग संघ (निक्की)ले आफ्ना उपाध्यक्ष मनोजकुमार ज्ञवाली नबिल बैंकको कायममुकायम प्रमुख कार्यकारी अधिकृत (कामु सीईओ)मा पदोन्नति भएकोमा बधाई ज्ञापन गरेको छ । निक्कीका अध्यक्ष सञ्जय अग्रवाल तथा बोर्ड सदस्यहरूले ज्ञवालीको यो महत्त्वपूर्ण उपलब्धिको सराहना गर्दै बैंकिङ क्षेत्रमा उनको समर्पण, नेतृत्व क्षमता र अनुभवको मूल्यांकन भएको बताएको विज्ञप्तिमार्फत जानकारी दिइएको छ ।
उनको पदोन्नति उनले पुर्याउनु भएको उत्कृष्ट योगदानको प्रतिबिम्ब हो, र हामी पूर्ण विश्वास गर्छौं कि उनको नेतृत्वमा नबिल बैंक अझ उचाइमा पुग्नेछ,’ विज्ञप्तिमा उल्लेख छ । निक्की आफ्ना सदस्यको उपलब्धिमा गर्व गर्छ र नेपाल तथा इटालीबीचको आर्थिक सहकार्यलाई सुदृढ पार्दै व्यावसायिक प्रगति प्रवर्द्धन गर्न प्रतिबद्ध रहेको बताइएको छ ।
